Rydym ni, sydd wedi llofnodi isod, yn galw ar Lywodraeth Cymru i roi enw swyddogol i Ffordd Gyswllt yr A4232 i Fae Caerdydd – sef Ffordd Owain Glyndŵr – er cof am un o'r ffigurau mwyaf arwyddocaol yn hanes Cymru.

Roedd Owain ap Gruffudd, a adnabyddir fel Owain Glyndŵr, yn wladweinydd, yn filwr ac yn weledydd. Ef a arweiniodd y gwrthryfel Cymreig olaf yn erbyn rheolaeth Lloegr gyda’r nod o adfer sofraniaeth i Gymru, sefydlodd y Senedd Gymreig gyntaf dan ei arweiniad, ac ef oedd y Cymro brodorol olaf i hawlio’r teitl Tywysog Cymru.

Fel pensaer democratiaeth Cymru, mae etifeddiaeth Owain Glyndŵr yn parhau i ysbrydoli’r daith barhaus tuag at fwy o bwerau i Gymru. Byddai enwi’r brif ffordd hon – y brif ffordd i Fae Caerdydd, cartref y Senedd a chanolbwynt ein democratiaeth fodern – yn deyrnged briodol i’w weledigaeth a’i effaith barhaol ar ein cenedl.

Ni fyddai’r weithred symbolaidd hon yn anrhydeddu arwr cenedlaethol yn unig, ond byddai hefyd yn ein hatgoffa bod taith Cymru tuag at wir ddemocratiaeth yn parhau.

Felly, rydym yn galw ar Lywodraeth Cymru i enwi Ffordd Gyswllt yr A4232 yn “Ffordd Owain Glyndŵr.”